AZKOITIA: Intsausti Jauregia, Julio Urkijo etorbidea 25 (20720) tel. 943 85 11 00 | AZPEITIA: Sindikatu Zaharra, Enparan kalea 1 - 3 (20730) Tel. 943 02 60 69  | info@iraurgiberritzen.eus

Eskualdeko aholkularitza etxeei zuzenduta "Merkataritza establezimenduen balorazioa" formakuntza ospatuko da urriaren 29an

Iraurgi Berritzen, eskualdeko Garapen eta Berrikuntza Agentziak, Establezimenduen Eskualdatzea ardatz hartuta lan lerro ezberdinak jarri ditu abian. Lan lerro hauek 3 jarduera ezberdinetan zentratuko dira: Merkataritza establezimenduak, industria enpresak (ETE-ak) eta eraikuntzako gremioak.

Eskualdean, azken urteetan, ekonomikoki errentagarriak izanda ere izaera ezberdineko establezimendu ugarik itxi ditu bere ateak. Hauetako asko, errelebo edo jarraipen ezagatik itxi dira honek, eskualdeko herriguneetan, enpleguan nahiz ehun ekonomikoan duen eragin nabarmenarekin.

Egoera honen aurrean, Iraurgi Berritzenek "GipuzLan-Eskualdatzea" izena duen ekimena jarri du abian Gipuzkoako Foru Aldundiaren babesarekin. Ekimen honen bitartez, etorkizun hurbilean eskualdatzeko nahian egon daitezkeen establezimenduak identifikatu eta prozesuan zehar hauen bidelagun izatea lortu nahi da, posible bada hauen itxiera saihestuz.

Lehen urratsak, merkataritza arloan eman dira, merkataritza mahairen baitan. Besteak beste, azken hilabeteetan "Autonomoen erretiroa", "Negozioen balorazioa eta eskualdatzea" edota "Berrikuntza diagnostikoak merkataritzan" jardunaldiak ospatu dira Azkoitia, Azpeitia eta Zestoako merkataritza elkarteekin – Herrixen, Bertan, Dendartean eta Zestoan elkarteak- eta eskualdeko udalekin elkarlanean.

Era berean, merkataritza elkarteekin lankidetzan, merkataritza arloan eskualdatze gaiak lantzeko lan talde zehatza sortu da gaiak datozen urteetan izan dezaken garrantzia ikusita. Lan taldeak, egun eskualdeko merkataritza establezimenduen inguruko lanketa bat burutzeaz gain, inguruko eragileek eskaintzen dituzten aukerak aztertu dituzte.

Merkataritza arloan aurrera pauso bat eman nahi da. Eskualdeko aholkularitza etxe eta asesoriekin formakuntza bat deitzea izango da. Formakuntzak, 3 helburu zehatz izango ditu:

  • Lehenik eta behin, eskualdeko merkataritza elkarteek eta Iraurgi Berritzenek lankidetzan burutu duten lanaren berri emango zaie aholkularitza etxeei.
  • Bigarrenez, eskualdeko aholkulkaritza etxeek, eskualdatze gaien inguruan, egun euren bezeoengandik jasotzen dituzten behar eta interesak ezagutzea lortu nahi da. Ondoren, eskualde mailan garatu daitezken hobekuntza lerroak identifikatu ahal izateko.
  • PKF Attest, aholkularitza etxearen bitartez, formakuntza, eskualdatzeko interesa duten establezimenduen balorazio ekonomikoa nola egin aurkeztuko da esperientzia praktikoak erabiliz.

Formakuntza, Urriaren 29an ospatuko da, Azpeitiko Basazabal Jauregian. 4 orduko iraupena aurreikusten da eta 9.30ak eta 13.30ak bitartean garatzea aurreikusten da. Formakuntzan, parte hartu ahal izateko, ezinbestekoa da izena ematea.

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onartzen dut