Iraurgi Berritzeneko Enplegu Arlotik, Urola Erdian langabezia murrizteko eta laneratze aukerak sustatzeko lanean jarraitzen dugu, bertako eragileekin elkarlanean. Ildo horretan kokatzen da “Urola Erdian ElkarEkin Eraginez IV” proiektua, zaurgarritasun-egoeran dauden pertsonei gizarteratze- eta laneratze-bide egokituak eskaintzea helburu duena.
Proiektu honen baitan, 2026 otsailaren 2an abian jarri da arku-soldadura gas babeslea eta elektrodo kontsumigarriak erabiliz, mig/mag soldeoko ziurtagiri profesionala (410 ordu) , Izarraitz Lanbide Heziketa ikastetxean. 15 ikaslek parte hartuko dute prestakuntza honetan.
Bestalde, Urrian abian jarri zen Arreta Mendekotasun ikastaroa, Zabaltzen -Sarturen eskutik Azpeitiko Basazabal jauregian. Otsailak 13an bukatuko da, eta ondoren 40 orduko praktikaldiak egingo dituzte partehartzaile guztiek. Ikastaroan zehar 20 orduko euskara-saio osagarriak ere eskaini dira.
Martxoak 9an, Oinarrizko Sukaldaritza ikastaroa hasiko da. 100 orduko prestakuntza honek elikagaien manipulaziorako ziurtagiria lortzeko aukera emango die parte-hartzaileei, eta 20 orduko euskara-saio osagarriak ere eskainiko dira. Prestakuntza hau Azkoitiko Elkargunean izango da eta Ekolab enpresak emango du eta 15 plaza izango dira.
Ekimen guzti hauek Gipuzkoako Foru Aldundiak finantzatu du, eta eskualdeko prestakuntza- eta gizarte-eragileekin elkarlanean gauzatu dira, tokiko enplegagarritasuna hobetzeko helburuari eutsiz.
