Gaur goizean ospatu da Lan Mentoring Programaren aurkezpen saioa, Lanbidek eta Innobasquek bultzatutako ekimena, eskualdeko enpresei belaunaldien arteko erreleboa modu antolatuan kudeatzen laguntzeko helburuarekin. Saioa online formatuan egin da, eta bertan eskualdeko hainbat enpresatako ordezkariek parte hartu dute.
Programa honen bidez, enpresek diagnostiko bat, aholkularitza pertsonalizatua eta laguntza zuzena eta doakoa jasotzeko aukera izango dute. Sei hilabeteko prozesu baten barruan, helburu nagusia da lanpostu gakoen jarraikortasuna bermatzea, ezagutza eta talentua gal ez daitezen, eta, aldi berean, pertsonen garapen profesionala sustatzea.
Parte-hartzaileek oso positiboki baloratu dute ekimenaren eduki praktikoa eta enpresetan aplikagarritasuna. Besteak beste, lanpostuen deskribapena eguneratzeko, barne-komunikazioa hobetzeko eta belaunaldien arteko trantsizioa modu planifikatuan egiteko tresnak eskaini dira.
Programa honi buruzko informazio gehiago ondorengo estekan: Lan Mentoring Programa
