Garapenek 2025. urterako bere kudeaketa-plana eta aurrekontua onartu ditu Batzar Nagusian, Ermuan. Bertan, Garapenek elkarlaneko gobernantza ereduaren aldeko apustua berretsi du eta hainbat proiektu garatuko dituela aurreikusi du, agentzien erronka komunei erantzuteko:
- EnpleGU proiektua, bazterkeria-arriskuan dauden kolektiboen gizarteratze-ibilbideak sustatzeko.
- Adimen artifiziala enplegu- eta ekintzailetza-zerbitzuetan integratzea.
- Euskara enpresetan lehiakortasun-faktore gisa aitortzea.
- Kultura- eta sormen-industriak sustatzea.
Batzarraren ondoren, hainbat adituren ekarpenak nabarmendu dira:
- Asier Aranbarri (Eusko Jaurlaritza): “Gobernantza-eredu egokirik gabe ezin da 2030 Agendaz hitz egin”.
- Fernando Sierra (Euskalit): GIHak erakundeen kudeaketan txertatzeko esparrua azaldu zuen.
- Alfonso Gurpegui (Eusko Jaurlaritza): Enpleguaren Euskal Legearen garapenean egindako aurrerapenak aurkeztu zituen.
- Txerra Molinuevo (EUDEL): Tokiko eragileen eta erakundeen arteko lankidetza defendatu zuen, Euskadiko garapen sozial eta ekonomikoa sustatzeko.
Garapen Agentzien Euskal Elkarteak tokiko ekonomia indartzeko lanean jarraitzen du, 34 garapen-agentzien bitartez, Euskal Autonomia Erkidegoko lurralde guztietan.
