Urtea hasi denetik IBko Enplegu eta Prestakuntza arloan kudeatu diren lan eskaintzen datuak biltzen dira jarraian:
Urtarriletik martxora 67 lan-eskaintza kudeatu dira guztira; horietatik %64,1 industria-sektorekoak dira; %28,4 zerbitzu-sektorekoak eta %7,5 eraikuntza-sektorekoak. Eskatutako lanbideei dagokienez, gehiengoa (% 21) industriako lanpostu teknikoei dagokie, hala nola mekanizazioko, mantentze-lanetako, delineazioko eta elektriko-elektronikoetako teknikariei; %12 administraritzako alorreko lanpostuei dagokie, eta eskatutako lanpostuen %9 industria-ingeniaritzei zein industria-langileei dagokie.
Kudeatutako 67 lan-eskaintzetatik 17 (% 25,4) IB Enplegu Zentroak itxi ditu eta, guztira, 20 pertsonak aurkitu edo hobetu dute enplegua urteko lehen hiruhilekoan.
Enplegu Zentroak lan eskaintzen kudeaketa ematen jarraitzen du langileak behar dituzten enpresa eta erakunde guztiei. Edozein zalantza argitzeko jarri harremanetan: enpleguzentroa@iraurgiberritzen.eus edo 688 75 95 90 telefonoan (Maialen Ituarte).
