Iraurgi Berritzen Urola Erdiko Garapen eta Berrikuntza Agentziak eskualdeko ekintzaile eta negozio txikiei zuzendurik 2024ko lehen seihilekoan eskainiko dituen prestakuntza eskaintzetan izena emateko epea ireki du. Saio hauetan, beren kudeaketa hobetzeko helburuz, negozio txiki hauek egunerokotasunean erabil ditzaketen erreminta ezberdinak ikusiko dituzte. Hona hemen eskainiko diren prestakuntza saioen inguruko informazioa.
Otsailak, 14, 21, eta 28: “Nola garatu zure negozioaren komunikazio plana”, PKF Attest Aholkularitzaren eskutik, Intsausti Jauregian (Azkoitia), goizeko 09:00etatik 12:30etara.
Martxoak 21: “Chat GPT: edukiak sortzeko erreminta”, Ingeniariak Gipuzkoako Industri Ingeniarien Elkargoaren eskutik, Basazabal Jauregian (Azpeitia), 14:30etatik 16:30etara.
Apirilak 17: “Instagramerako argazki tailerra”, Momentu Argazkiak-en eskutik. Basazabal Jauregian (Azpeitia) 14:30etatik 16:30etara.
Maiatzak 15: “Identifikazio Digitala: Administrazio Publikoarekin harremantzeko bidea”, Ingeniariak Gipuzkoako Industri Ingeniarien Elkargoaren eskutik. Intsausti Jauregian (Azkoitia), 14:30etatik 16:30etara.
Formakuntza eskaintza hau, KLINK Bide eta ERAIKILAN programetan kokatzen da. KLINK Bideren helburua eskualdeko ekintzaileen ibilbidean bidelagun izatea da, beharrezko baliabideak beren eskura jarriz, eta ERAIKILAN-ena berriz eskualdeko Eraikuntzako gremioen lehiakortasuna sustatzea eta eskualdatze prozesuak ahalbideratzeko ekintzak gauzatzea.
Formakuntza saio hauetan parte hartu ahal izateko beharrezkoa da izen ematea. Horretarako, jarri Iraurgi Berritzeneko Ekintzailetza Arloarekin harremanetan honako telefono zenbaki hauetan: Alazne Larrañaga 688 71 87 77, Ione Eizagirre 688 60 12 99.
