Gure izaera - Iraurgi Berritzen

Tokiko udal eta eragileekin lankidetzan, sustapen sozioekonomikoaren bitartez eskualdea eraldatu eta ongizate maila hobetzea da gure asmoa.

Misioa

Eskualdeko garapen sozioekonomikoa, jasangarria eta inklusiboa xede, herritarrei eta eragileei zerbitzu eraginkorrak eskaini eta lankidetzazko proiektu eraldatzaileak sustatzen ditugu. Gure lan eredua lankidetzazko gobernantzan oinarritzen da lan taldeak fazilitatzaile rola beregain hartuz.

Bisioa

Lankidetzan oinarrituta, eskualdeko eraldaketa sozioekonomikoan eragingo duen erreferentziazko erakundea izan nahi dugu.

Balioak

Lankidetza

Eskualdeko behar amankomunei erantzuna emateko eragile sarearen arteko elkarlana sustatzera bideratzen da gure ahalegina.

Bezeroarenganako orientazioa

Pertsona zein eragileen behar eta lehentasunak hautemateko eta asetzeko jarrera etengabea dugu.

Berrikuntza (etengabeko hobekuntza)

Berrikuntza (teknologikoa nahiz soziala) eta etengabeko hobekuntza sustatzeko ikuspegi ireki eta kritikoa dugu, eskualdeko eragileekin identifikatutako erronka desberdinei erantzuteko.

Garapen iraunkorra

Gure eguneroko ihardunean garapen iraunkorreko hiru eremuen oreka kontuan izanez (gizartea, ekonomia eta ingurumena), aritzen gara.

Gardentasuna

Gure egunerokotasunean, zintzotasunez, modu garbian eta ulergarrian jarduten dugu.

Euskara

Gure lan harremanen esparruan, euskararen erabilera lehenesten dugu.

Berdintasuna

Pertsona guztien beharrak kontutan harturik, aukera berdintasuna eta parekidetasunaren alde lan egiten dugu.