Uztailean zehar, ekintzaile izatea pentsatzen ari direnentzako formakuntza ibilbide bat antolatu da. Ibilbidean ekiterako orduan dauden pausuak ikusiko dira eta pausu bakoitzean lanketa desberdinak egingo dira.
Lehenengo zatiak bi zaio izango ditu eta buruan ideia bat izan eta gehiago garatzea nahi duen ororentzat zuzendurik egongo da.
Bigarrena aldiz, ideia errealitatera emateko pausuak planifikatzea nahi dutenei zuzentzen da. 3 saiotan, bezeroengana iristeko kanalak eta estrategiak landuko dira eta azterketa ekonomikoa egiteko kontzeptuak eta erremintak ikusiko dira.
Hirugarren zatian, enpresa eratzeko pausuak zein diren ikusiko dira. Forma juridikoak, enpresa sortzeko egin beharreko tramiteak eta Ogasunarekiko betebeharrak eta Gizarte Segurantza (Autonomoen eskubideak) ikusiko dira.
Uztailak 4 eta 7an lehenego saioak izango dira. Uztailak 11, 13 eta 18an berriz, formakuntzaren bigarrengo zatiari ekingo zaio eta hirugarren zatia, uztailak 20 eta 27an izango da. Ordutegia goizeko 9:30tatik 11:30tara izango da eta formakuntza Azkoitiko Intsausti Jauregian eskainiko da.
Ekintzaileak, aurkitzen den fasearen arabera, formakuntza ibilbideko 3 zatietan parte hartzeko aukera izango du edo bere interesekoa den zatian.
Informazio gehiago edota izen ematea nahi izanez gero, jarri harremanetan Iraurgi Berritzenekin telefonoz 688 601 299 (Ione Eizagirre) edota emailez ieizagirre@iraurgiberritzen.eus.
