Azpeitiko Sanagustin kulturgunearen 10. urteurrenaren ospakizunaren barruan, ekainaren 25ean, ostiralez, bigarren nazio jardunaldia izango da: Herri ekimena eta kooperatibismoa izenekoa, ospakizuneko Herri Batzordeak eta Kultiba kooperatibak antolatuta. Jardunaldia Sanagustin kulturgunean izango da, 09:30etik 13:30era bitartean.
Herritarrek eta eragileek jadanik eman dezakete jardunaldirako izena, bestehamaikabizitzeko@gmail.com helbidera mezua idatzita, ekainaren 17ra artean. Doan da apuntatzea.
5 hizlari izango dira jardunaldian: tartean, David Fernandez katalanuniarra. Horrez gain, Euskal Herriko lau esperientzia praktikotako ordezkariek hartuko dute hitza.
Jardunaldiaren gai zerrenda
Kooperatibismoa: zer eta zertarako
- David Fernandez (kooperatibista, Herrialde Katalanak): Balioak eta balioa.
Kooperatibismoa: zergatik eta nola. Esperientzia praktikoak
- Ioritz Aizpuru (Elikagunea, Azpeitia): Saltokiaz harago, dastaketa eta heziketa gunea.
- Cristina Etxegoien (Erreka Group, Mondragon korporazioa): Industria produkzioa.
- Gartzen Garaio (Ekintza Faktoria, Aiaraldea): Eraldaketa soziala euskaratik eta euskaraz.
- Naroa Elortza (Goiener, Euskal Herria): Energia berriztagarrien sorkuntza eta kontsumoa.
Azpeitiko Kultur Mahaiak, Kulturaz kooperatibak, bi udal taldeek eta norbanako batzuek osatzen dute Herri Batzordea.
