Novia Salcedo Fundazioak eta Ihobek CIRCULAR BERRINDARTZEA 2022 programa jarri dute abian Basque Circular Hub programaren barruan, Euskadin gazteen enplegua sustatzeko eta euskal enpresa txiki eta ertainek ekonomia zirkularrari lotutako erronkei aurre egin ahal izatea errazteko.
Praktika horiek unibertsitateko edo LH2ko prestakuntza duten, graduatu berriak diren edo ikasketen azken urtean ikasten ari diren gazteei zuzenduta daude.
Praktikak egiteko ez da beharrezkoa ekonomia zirkularrari buruzko ezagutza teknikoa izatea; izan ere, osagarri gisa eta enpresetako praktikak hasi aurretik, parte-hartzaileek 60 orduko doako prestakuntza emango dute ekonomia zirkularrean, Ihobek finantzatuta. Prestakuntza horrek 30 orduko ardatz-ikastaroa izango du, eta beste 30 orduko 6 prestakuntza-ibilbideren espezializazioa hainbat gaitan:
- Negozio-ereduak eta zaintza.
- Ontzien ekodiseinua.
- Ingurumen-aztarna, karbono-aztarna eta ekonomia zirkularreko adierazleak, antolaketari eta produktuari dagokienez.
- Elikagaien sektoreari aplikatutako ingurumen-iraunkortasuna.
- Iraunkortasuna eraikuntzaren sektorean.
- Erosketa berdea eta ingurumen-kudeaketako sistemak.
Prestakuntza Bilbon eta/edo Donostian eta/edo Gasteizen egingo da, hiri bakoitzean izena eman duten pertsonen kopuruaren arabera.
Enpresako praktikak ekainaren amaieran hastea aurreikusten da. Praktikek 5 hilabeteko iraupena izango dute, eta enpresan egunean 7, 6 edo 5 ordu egiteko aukera egongo da (enpresaren beharren arabera), eta Eusko Jaurlaritzak diruz lagundutako beka baten bidez egingo dira, hileko 966 €-ko, hileko 828 €-ko eta hileko 690 €-ko ordainsari gordinarekin, egunean 7, 6 eta 5 ordu, hurrenez hurren.
Gazteak zuzenean inskribatu behar dira programan parte hartzen duten enpresek eskaintzen dituzten praktika-eskaintzetan, Novia Salcedo Fundazioaren webgunearen bidez, esteka honetan: Prácticas profesionales circular berrindartzea 2022 (noviasalcedo.es)
