AZKOITIA: Intsausti Jauregia, Julio Urkijo etorbidea 25 (20720) tel. 943 85 11 00 | AZPEITIA: Sindikatu Zaharra, Enparan kalea 1 - 3 (20730) Tel. 943 02 60 69  | info@iraurgiberritzen.eus

Iraurgi Berritzen eta Deustoko Unibertsitateak lankidetza-hitzarmen bat sinatu dute Turismoko graduaren prestakuntza dualerako

Gaur, uztailak 17, ostirala, Azkoitiko Intsausti Jauregian lankidetza-hitzarmena sinatu dute Deustoko Unibertsitateak eta Iraurgi Berritzen Urola Erdiko garapen eta berrikuntza agentziak, hain zuzen, tokiko udalekin elkarlanean eskualdearen sustapen sozioekonomikorako politika eta estrategia publikoak garatzeaz arduratzen denak.

Akordioaren helburua erakundeen arteko elkarlana da, COVID-19ak sortutako egoerak Urola eskualdeko errealitate turistikoan eragin dituen erronkei erantzuna emateko. Akordio horren bidez, Turismoko graduko 4. mailako ikasleek aukera izango dute prestakuntza dualaren arloko proiektu bat garatzeko, 2020ko irailean hasiko den ikasturtean erakundean egingo diren prestakuntza-egonaldien bidez.

Jose Antonio Rodriguez Ranz Deustoko Unibertsitateko erakunde harremanetarako eta Donostiako campuseko errektoreordeak eta Javier Zubizarreta Iraurgi Berritzeneko lehendakaria eta Azkoitiko alkateak sinatu dute bi erakundeen arteko akordioa. Beraiekin batera izan dira Begoña Beobide Iraurgi Berritzeneko zuzendaria, Jesus Mujika Iraurgi Berritzeneko Turismo koordinatzailea, eta Basagaitz Guereño Deustoko Unibertsitateko Turismo Saileko zuzendaria.

 

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onartzen dut